BSDF სურათზე ნაჩვენების განათების სხივის გაბნევის მოდელი. სურათის ორიგინალი აღებულია ვიკიპედიიდან ორმხრივი გაბნევის განაწილების ფუნქცია( BSDF ) ასახავს მანათობელი სხივის ქმედებას ზედაპირზე დაცემისას. თავის მხრივ სხივის ზედაპირზე გაბნევის შემთხვევას ყოფენ ორ დამოუკიდებელ ნაწილად: BRDF - ორმხრივი არეკვლის განაწილების ფუნქცია. აღწერს მხოლოდ ზედაპირიდან არეკლილი განათების სხივების განაწილებას. BTDF - ორმხრივი გატარების განაწილების ფუნქცია. აღწერს ზედაპირის ქვეშ გტარებული განათების სხივების განაწილებას. ხშირად ცალკე გამოყოფენ ხოლმე შემთხვევას როდესაც დაცემული სხივი აღწევს ზედაპირის ქვეშ გადაადგილდება სხვადასხვა მიმართულებით და შემდეგ ტოვებს ზედაპირს ისევ იმ მხარეს. ეს არის BRDF-ზე ბევრად კომპლექსური შემთხვევა . ამ შემთხვევას აღწერენ ორმხრივი ზედაპირზე გაბნეული არეკვლის განაწილების ფუნქციით( BSSRDF ). BSSRDF-ით ხასიათდება მაგალითად ადამიანის კანი, რომელიც რეალურ რენდერში ხშირათ ერთ ერთ წამყვან როლს იკავებს და მისი კორექტული რენდერი ძალიან მნიშვნელოვანი საკითხია
Graphics Software Engineer