Irakli Koiava

Run-Length Encoding         ელემენტების მიმდევრობაში გ ა რ ბენი ვუწოდოთ  მიმდევრობით მოცემული ერთი და იგივე მნიშვნელობის მქონე ელემენტებს .  გარბენის სიგრძის კოდირება გულისხმობს, რომ ელემენტების მიმდევრობა გარდავქმნათ გარბენების მიმდევრობად. შესამაბისად  კოდირების   ეს მეთოდი ხელსაყრელია მაშინ, როდესაც მოცემულ მიმდევრობაში ხშირია სიმბოლოების გარბენები.         ვთქვათ მოცემული გვაქვს შემდეგი მიმდევრობა: ttttsssssssnwwwwQQQQoooooooo         გარბენის სიგრძით კოდირების შემდგომ მივიღებთ: t4s7n1w4Q4o8         რაც გვეუბნება რომ მიმდევრობაში არის ოთხი "t" სიმბოლო, შემდეგ მოდის შვიდი "s" სიმბოლო, შემდეგ ერთი "n"  და ა.შ. საწყისი მიმდევრობა მოცემულია 28 ელემენტით, კოდირების შემდგომ ვიღებთ 12-ს(ვგულისხმობთ, რომ მაქსიმალური გარბენის სიგრძე არის 255). მონაცემების ზომა შემცირდა 2.3-ჯერ. გარბენის სიგრძის კოდირებამ შემცირების ნაცვლად შესაძლოა გაზარდოს გამომავალი მიმდევრობის ...

Move-To-Front Transform         ტრანსფორმაციის ეს მეთოდი( MTF ) თავის მხრივ არ წარმოადგენს მონაცემთა შეკუმშვის მეთოდს, თუმცა ის გამოიყენება ენტროპიული კოდირებისას როგორც წინასწარი ტრანსფორმაციის მეთოდი. მისი მიზანია შეამციროს მონაცემთა გაბნევის მაჩვენებელი რათა გაიზარდოს ენტროპიული კოდირებისას შეკუმშვის ხარისხი.         მისი მუშაობის პრინციპი შემდეგია: ვთქვათ გვაქვს შემომავალი ელემენტების  შესაძლო მნიშვნელობების სია  წინასწარ განსაზღვრული, რომელშის თითოეულ სიმბოლოს გააჩნია ინდექსი. ალგორითმის მუშაობის პრინციპი შემდეგია: ვატრიალებთ ციკლს სანამ  სიმბოლოების შემავალი მიმდევრობა ცარიელი არაა და ყოველ ეტაპზე ვასრულებთ შემდეგს. სიმბოლოების შემავალი მიმდევრობიდან  ამოვაგდებთ პირველ ელემენტს, ვპოულობთ მისი მნიშვნელობის მქონე ელემენტს შესაძლო მნიშვნელობათა მიმდევრობაში, მის მიმდინარე ინდექსს ვწერთ  გამომავალი მიმდევრობის ბოლოში. შესაძლო მნიშვნელობების სიიდან  ამოვაგდებთ ნაპოვნ ელემენტს და გადავიტანთ ამავე სიის...