Skip to main content

შეფერადების ნორმალები და მასთან დაკავშირებული პრობლემები

problems related to shading normal
        ზედაპირის შეფერადებისას ზედაპირის ნორმალის მიმართებას განათების წყაროს მიმართულებასთან აქვს გადამწყვეტი მნიშვნელობა. იმისათვის რომ სამკუთხა მეშით მოცემულ დაბალი დეტალიზაციის ზედაპირს გლუვი შეხედულება მისცენ იყენებენ გლუვ შეფერადებას. გლუვი შეფერადებისას ხდება ზედაპირის ყოველი წერტილისათვის გლუვი ნორმალების განსაზღვრა, რომლების რეალური ზედაპირის ნორმალს არ ემთხვევიან, ისინი მხოლოდ შეფერადებაში თამაშობენ როლს და მათ შეფერადების ნორმალებს უწოდებენ. შეფერადების ნორმალებით ხდება ასევე ნორმალების მეპინგი, როდესაც ზედაპირის ყოველი წერტილის ნორმალს ვკითხულობთ ტექსტურიდან.

ეს ორი ტექნიკა ძალიან გვეხმარება დაბალი დეტალიზაციის სამკუთხა მეშს მივცეთ მაღალი დეტალიზაციის შესახედაობა, თუმცა დადებით თვისებასთან ერთად შეფერადების ნორმალები გარკვეულ პრობლემებთანაა დაკავშირებული.
სურათზე ნაჩვენებია სამკუთხა ბადე და 2 ვიზუალური ხარვეზი. 1-შავი კიდეები, 2-ჩრდილის ტერმინატორი.
        როგორც ზემოთ აღვნიშნეთ შეფერადების ნორმალები არ ემთხვევიან გეომეტრიულ ნორმალს რაც წარმოადგენს ძირითად წყაროს პრობლემებისა. ზედაპირის კონკრეტულ წერტილში განათება შეიზლება მოქმედემდეს, როდესაც ზედაპირის ნორმალსა და განათების მიმართულებას შორის კუთხე π/2ზე ნაკლებია.
        რადგან ჩვენ გვაქვს 2 ნორმალი გარკვეულ შემთხვევებში შესაძლოა გვქონდეს ისეთი შემთხვევა როცა განათების მიმართულებასა და გეომეტრიულ ნორმალს შორის კუთხე π/2ზე ნაკლებია, ხოლო შეფერადების ნორმალთან π/2ზე მეტია. ამ დროს როგორც წესი ვიზუალიზატორი ამბობს, რომ განათება ამ წერტილს არ ანათებს, რაც წარმოშობს ვიზუალურ ხარვეზებს(იხილეთ შავი კიდეები ზემოთ მოცემულ სურათზე).
        მეორე პრობლემატური შემთხვევა არის როცა განათების მიმართულებასა და შეფერადების ნორმალს შორის კუთხე π/2ზე ნაკლებია, ხოლო გეომეტრიულ ნორმალთან π/2ზე მეტია. ამ პრობლემას, გლუვი შეფერადების დროს უწოდებენ ჩრდილის ტერმინატორს, რადგან მომხმარებელი ამ შემთხვევაში ასეთ ადგილებში ელოდება განათებას ხოლო გეომეტრიულად, გეომეტრიული ნორმალის გათვალისწინებით ეს ადგილი ჩრდილში ექცევა(იხილეთ ჩრდილის ხარვეზები ზემოთ მოცემულ სურათზე).
        მოცემული პრობლემების სრულად მოგვარება ვერ ხერხდება, ხარვეზების მოშორების ერთადერთ გზას სამკუთხედების ბადის დეტალიზაციის გაზრდაა, თუმცა მიუხედავად ამისა შეფერადების ნორმალები მაინც აქტიურად გამოიყენება. 

Comments

Popular posts from this blog

რუსული რულეტკის მეთოდი

Russian Roulette Technique რუსული რულეტკის მეთოდი არის ფართოდ გავრცელებული ტექნიკა მონტე-კარლოს ინტეგრირების პროცესის შესაწყვეტად(სახელწოდება მოდის ცნობილი რუსული თამაშიდან). იმის მაგივრად, რომ პროცესი შევწყვითოთ ხისტად, მაგალითად შერჩევების რაოდენობის რაიმე მაქსიმალურ რაოდენობაზე, რუსული რულექტკის მეთოდი გვეხმარება ინტეგრირების პროცესის მიუკერძოვებლად შეწყვეტაში. მთავარი იდეა რუსული რულეტკის მეთოდისა არის ის, რომ რუსული რულეტკა წყვეტს მონტე კარლოს მეთოდს რაიმე არანულოვანი p ალბათობით(ალბათობა შეიზლება შეირჩეს ერთხელ ან მონტე კარლოს მეთოდის ყოველ ბიჯზე სათითაოდ რაიმე მნიშვნელოვნობით) ან აგრძელებს მას და შემდგომი პროცესიდან მიღებულ შედეგს ამრავლებს 1/p - ზე. რადგან რუსული რულეტკის მეთოდი პროცესის შეწყვეტას ახდენს რაიმე არანულოვანი p ალბათობით ყოველთვის რჩება იმის შანსი, რომ პროცესი გაგრძელდეს რაც იმას ნიშნავს, რომ მონტე კარლოს ინტეგრირების პროცესისათვის ნებისმიერი სიღრმე მიღწევადი ხდება. სწორედ ამიტომ ხისტი შეზღუდვით მიღებული მიკერძოება( სისტემატიური შეცდომა ) ქრება რუსული რ...

ფერების RGB მოდელი

RGB Color Model         ფერების RGB მოდელი წარმოადგენს ისეთ მოდელს რომელშიც სამი ძრირითადი ფერის წითელი, მწვანე და ლურჯის საშუალებით მიიღება ფერების ფართო სპექტრი. მისი დასახელებაც მოდის სწორედ ძირითადი ფერების ინგლისური სახელწოდების ინიციალებიდან(Red, Green, Blue).         ფერთა სპექტრის ამდაგვარი წარმოდგენა დაკავშირებულია იმასთან, რომ გამოსახულების გამოტანის მოწყობილობებში რომელიც გააჩნიათ კომპიუტერებს, ტელევიზორებს ფერის მიღება ფიზიკურად ხდება სწორედ ამ სამი ძირითადი ფერის შეზავებით. დღესდღეობით ყველაზე გავრცელებული არის 24 ბიტიანი RGB მოდელი, სადაც თითოეულ კომპონენტს ეთმობა ერთი ბაიტი და შესაბამისად შეუძლია მიიღოს ნებისმიერი მნიშვნელობა [0, 255] დიაპაზონში, რაც საბოლოოდ გვაძლევს 16777216 განსხვავებულ ფერს.

ბეზიეს წირი

Bezier Curve         ბეზიეს წირები ფართოდ გამოიყენება კომპიუტერული მეცნიერების სხვადასხვა მიმართულებებში  CAD  სისტემებში, კომპიუტერულ გრაფიკაში და ა.შ. ისისნი პოპულარობით სარგებლობენ მისი სიმარტივის, ინტუიტიურობის და მოსახერხებულობის გამო.         მათემატიკურად ბეზიეს წირი არის ფუნქცია რომელსაც გადაეცემა ერთი პარამეტრი t(0-დან 1-მდე) და ის გვიბრუნებს წერტილს წირზე. ფუნქციის მნიშვნელობა დამოკიდებულია შემავალ t პარამეტრზე და n ცალ წერტილზე, რომლიდანაც პირველ და ბოლო წერტილს ვუწოდებთ კვანძებს(knots), ხოლო დანარჩენებს საკონტროლო წერტილებს(Control points). როდესაც t=0 ფუნქცია გვიბრუნებს პირველ კვანძს, როდესაც t=1 ფუნქცია გვიბრუნებს მეორე კვანძს, დანარჩენ მნიშვნელობებზე ფუნქცია გვიბრუნებს წირის სხვა წერტილებს. გამოდის რომ წირი იწყება პირველი კვანძში დამოკიდებულია საკონტროლო წერტილებზე,თუმცა არ გადის მათზე და სრულდება მეორე კვანძში. მათემატიკურად ნებისმიერ ბეზიეს წირს შეესაბამება პოლინომი რომლის ხარისხიც არის მოცემული წერტილების რაოდენობ...