მეტროპოლისის სინათლის ტრანსპორტირება პირველადი შერჩევების სივრცეში

PSSMLT

        მეტროპოლისის სინათლის ტრანსპორტირების მეთოდი(MLT) ახდენს პირველადი წარმატებული გზების მცირედი მუტაციით ახალი გზების აგებას. ვიჩის მიერ ნაჩვენებ მეთოდში გზების მუტაციის რამოდენიმე ვარიანტია ნაჩვენები, რომლებიც გზის მუტაციას ახდენენ გზების სივრცეში.

        იმისათვის რომ გავიგოთ PSSMLT მეთოდის მუშაობის პრინციპი უნდა გვესმოდეს თუ როგორ ხდება გზის აგება. თვალის გზის აგება იწყება პიქსელის შერჩევით, შემდეგ მოდის ლინზაზე წერტილის მონიშვნა, რომლის შემდეგაც გვაქვს სხივი და სცენასთან თანაკვეთის პოვნის შემდგომ ვახდენთ BSDF-ის შერჩევას რათა მივიღოთ მიმართულება საითაც გზა უნდა გაგრძელდეს და ასე ვაგრძელებთ სანამ არ მივაღწევთ სასურველ სიღრმეს ან მიმდინარე სხივი ყველაფერს არ აცდება. ამ პროცესის ყოველ ეტაპზე, მაგალითად პიქსელის შესაჩევად, ლინზაზე წერტილი შესარჩევად, BSDF-ის შესაჩევად და ა.შ. ჩვენ გვჭირდება ერთი ან რამოდენიმე შემთხვევითი რიცხვი, რაც ცალსახად განსაზღვრავს შერჩევის რეზულტატს. აქედან გამომდინარე ადვილი მისახვედრია, რომ არსებობს პირდაპირი ასახვა პირველადი შერჩევების სიმრავლიდან გზების სიმრავლეში.

სურათზე ნაჩვეენებია გზის შესაბამისი შემთხვევითი რიცხვების ვექტორის მუტაციით მიღებული ახალი გზა. (სურათის წყარო)

        მეტროპოლისის სინათლის ტრანსპორტირება პირველადი შერჩევების სივრცეში (PSSMLT) არის ორიგინალი მეთოდის მოდიფიკაცია, რომელის გზის მუტაციისათვის ჯერ ახდენს გზის შესაბამისი პირველადი შერჩევების მუტაციას რომელსაც შეესაბამება ახალი გზა. სხვა სიტყვებით რომ ვთქვათ ნებისმიერი შემთხვევითი რიცხვების n ელემენტიანი ვექტორი შეგვიძლია წარმოვიდგინოთ როგორც წერტილი n განზომილებიან სივრცეში(რომელსაც ვუწოდებთ პირველადი შერჩევების სივრცეს) და რადგან არსებობს პირდაპირი ასახვა პირველადი შერჩევების სივრციდან გზების სივრცეში მაშინ ამ წერტილის მუტაციით(ცვლილებით) მივიღებთ ახალ გზას. ასევე შეგვიძლია ვთქვათ რომ თუკი საწყისი წერტილის მუტაცია მოხდა მცირედით მაშინ უმეტეს შემთხვევაში ახლად მიღებული გზაც მსგავსი იქნება პირველადი გზის(იხილეთ ზემოთ მოცემული სურათი).
          PSSMLT-ს ისევე როგორც ორიგინალ MLT მეთოდს თან ახლავს პრობლემები რაც მეტწილად მეტროპოლისის მუტაციას უკავშირდება, მაგალითად მუტაციის ოპტიმალური ბიჯის დადგენა ასევე სცენაზეა დამოკდებული. 

        უნდა აღინიშნოს, რომ MLT ბევრ შემთხვევაში უკეთეს რეზულტატს იძლევა ვიდრე PSSMLT თუმცა მისთვის გლუვი(glossy) ზედაპირებები განსახუთრებულ პრობლემას წარმოადგენს რასაც PSSMLT უფრო ადვილად უმკლავდება. ასევე აღსანიშნავია, რომ PSSMLT-ს იმპლემენტაცია ბევრად ადვილია.