Skip to main content

ზედაპირქვეშა გაბნევა

Subsurface Scattering
SSS მატერიალი C4d-ში(წყარო).
        მოცულობითი რენდერი ერთერთი ყველაზე რთული ნაწილია ფიზიკაზე დაფუძნებული რენდერის და ის კიდევ უფრო რთული ხდება, როდესაც გამბნევი გარემო შემოსაზღვრულია ზედაპირით. ასეთ შემთხვევაში მრავალი მნიშვნელოვნობით შერჩევა (MIS) ვერ გვეხმარება, რადგან გამბნევ სივრცულ ნაწილაკებზე განათების შერჩევა უმეტეს შემთხვევაში უძლურია. განათება ზედაპირს გარეთ მდებარეობს და ერთადერთი შანსი, რომ განათებას მივაგნოთ არის ფაზური ფუნქციის შერჩევა(ანუ შემთხვევითად არეკვლა სივრცულ ნაწილაკზე). ასე რომ თუკი ზედაპირქვეშა სივრცულ ნაწილაკებზე მკვეთრი პირდაპირი განათება მოდის მხოლოდ უხეში ძალის მეთოდის(brute force) გამოყენებით ძალიან დიდ ხმაურს მივიღებთ და თუკი შემომსაზღვრელი ზედაპირი მეტნაკლებად სპეკულარულია და განათების წყარო კი პატარა მაშინ შეიძლება საუკუნეები დაჭირდეს რენდერის გასუფთავებას.
        ზედაპირქვეშა გაბნევა ძალიან მოთხოვნადია საწარმოო რენდერერებში. ფიზიკაზე დაფუძნებული რენდერი რეალურ გარემოში არსებული მასალებისა, როგორიცაა მაგალითად ადამიანის კანი, ძალიან მნიშვნელოვანია კინო და ვიზუალური ეფექტების ინდუსტრიისთვის.
BSSRDF
        ორმხრივი ზედაპირზე გაბნევის არეკვლის განაწილების ფუნქცია (Bidirecional  Surface Scattering Reflection Distribution Function) აღწერს სინათლის ტრანსპორტირებას ნებისმიერ ორ სხივს შორის, რომლებიც ეცემიან ზედაპირზე, მაშინ როცა BRDF გულისხმობს რომ ორივე სხივის დაცემის წერტილი ერთია.(იხილეთ ქვემოთ მოცემული სურათი)
BRDF და BSSRDF სქემატურად. (წყარო)
        ერთერთი პირველი პრაქტიკული მეთოდი რომელიც ახდენდა BSSRDF-ის გამოთვას წარმოადგინეს Jensen-მა და Buhler-მა, რომელიც განსაზღვრავს ზედაპირის ორ წერტილს შორის დამოკიდებულების ფუნქციას რომელიც შესაძლოა დამოკიდებული იყოს სხვადასხვა პარამეტრებზე როგორიცაა მანძილი, ნორმალები და ა.შ. მეთოდი არის ორ ეტაპიანი: პირველ ეტაპზე ხდება ზედაპირზე წინასწარ განსაზღვრული რაოდენობის თანაბრადგანაწილებული წერტილების  მონიშვნა და ამ წერტილებში მოსული ენერგიის გამოთვლა, ხოლო მეორე ეტაპზე ხდება სხივების მიდევნება როდესაც ყოველ შეფერადების წერტილში ვახდენთ ახლოს მდებარე წინასწარ გამოთვლილი წერტილების მოძიებას და მათზე დაყრდნობით საბოლოო შედეგის მიახლოვებას. მეთოდს ასევე ახასიათებს ციმციმი ანიმაციებში, ჭირდება 2 ეტაპი გამოთვლებისა და მოითხოვს დამატებით მეხსიერებას რის გამოც ეს მეთოდი ძალიან არაპრაქტიკულია რეალთაიმ/პროგრესული რენდერერებისთვის.
1.წერტილების თანაბარი განაწილება ზედაპირზე.
2.წერტილებში განათების დათვლა.
3.bssrdf-ის მიახლოვება.
(წყარო)
        ასევე არსებობს ბევრი სხვადასხვა მეთოდი რომელიც ახდენს bssrdf-ის მიახლოვებას ერთი გავლით როდესაც არეკვლილი სხივის სათავის გამოთვნა ხდება შეფერადების პროცესშივე. ერთერთი ასეთი მეთოდი წარმოადგინა ასევე solidangle-მა რომელიც ახდენს სფეროს რადიუსის შერჩევას, შემდგომ სწეროზე წერტილის შერჩევას და მათ პროექციას ზედაპირზე ნორმალის და 2 ურთიერთმართობული მხების მიმართულებით. შედეგების გაერთიანება ხდება MIS-ის საშუალებით.
მარცხნივ-პროექცია ნორმალის მიმართულებით.
მარჯვნივ-პროექცია 3 მიმართულებით.
        ასეთ დროს სწორ ზედაპირებზე ვკარგავთ წარმადობას რადგან ვახდენთ წერტილების პროექციას 3-ჯერ რომელთაგან 2 ხშირ შემთხვევაში წარუმატებელია თუმცა, ხშირ შემთხვევაში მრავალი მნიშვნელოვნობის მეთოდით მიღებული შედეგი ბევრად უფრო ეფექტურია.
რადენდერებულია Arnold-ში.
        ზედაპირქვეშა გაბნევა ძალიან აქტიური კვლევის საგანია. აღსანიშნავია ის ფაქტი რომ დღემდე არ არსებობს მიუკერძოვებელი მეთოდი რომელიც ეფექტურად უმკლავდება ზედაპირევეშა გაბნევას. სწორედ ამიტომ საწარმოო რენდერერებში ძირითადად მიკერძოებული მეთოდები ჭარბობს.

Comments

Popular posts from this blog

რუსული რულეტკის მეთოდი

Russian Roulette Technique რუსული რულეტკის მეთოდი არის ფართოდ გავრცელებული ტექნიკა მონტე-კარლოს ინტეგრირების პროცესის შესაწყვეტად(სახელწოდება მოდის ცნობილი რუსული თამაშიდან). იმის მაგივრად, რომ პროცესი შევწყვითოთ ხისტად, მაგალითად შერჩევების რაოდენობის რაიმე მაქსიმალურ რაოდენობაზე, რუსული რულექტკის მეთოდი გვეხმარება ინტეგრირების პროცესის მიუკერძოვებლად შეწყვეტაში. მთავარი იდეა რუსული რულეტკის მეთოდისა არის ის, რომ რუსული რულეტკა წყვეტს მონტე კარლოს მეთოდს რაიმე არანულოვანი p ალბათობით(ალბათობა შეიზლება შეირჩეს ერთხელ ან მონტე კარლოს მეთოდის ყოველ ბიჯზე სათითაოდ რაიმე მნიშვნელოვნობით) ან აგრძელებს მას და შემდგომი პროცესიდან მიღებულ შედეგს ამრავლებს 1/p - ზე. რადგან რუსული რულეტკის მეთოდი პროცესის შეწყვეტას ახდენს რაიმე არანულოვანი p ალბათობით ყოველთვის რჩება იმის შანსი, რომ პროცესი გაგრძელდეს რაც იმას ნიშნავს, რომ მონტე კარლოს ინტეგრირების პროცესისათვის ნებისმიერი სიღრმე მიღწევადი ხდება. სწორედ ამიტომ ხისტი შეზღუდვით მიღებული მიკერძოება( სისტემატიური შეცდომა ) ქრება რუსული რ...

ფერების RGB მოდელი

RGB Color Model         ფერების RGB მოდელი წარმოადგენს ისეთ მოდელს რომელშიც სამი ძრირითადი ფერის წითელი, მწვანე და ლურჯის საშუალებით მიიღება ფერების ფართო სპექტრი. მისი დასახელებაც მოდის სწორედ ძირითადი ფერების ინგლისური სახელწოდების ინიციალებიდან(Red, Green, Blue).         ფერთა სპექტრის ამდაგვარი წარმოდგენა დაკავშირებულია იმასთან, რომ გამოსახულების გამოტანის მოწყობილობებში რომელიც გააჩნიათ კომპიუტერებს, ტელევიზორებს ფერის მიღება ფიზიკურად ხდება სწორედ ამ სამი ძირითადი ფერის შეზავებით. დღესდღეობით ყველაზე გავრცელებული არის 24 ბიტიანი RGB მოდელი, სადაც თითოეულ კომპონენტს ეთმობა ერთი ბაიტი და შესაბამისად შეუძლია მიიღოს ნებისმიერი მნიშვნელობა [0, 255] დიაპაზონში, რაც საბოლოოდ გვაძლევს 16777216 განსხვავებულ ფერს.

ბეზიეს წირი

Bezier Curve         ბეზიეს წირები ფართოდ გამოიყენება კომპიუტერული მეცნიერების სხვადასხვა მიმართულებებში  CAD  სისტემებში, კომპიუტერულ გრაფიკაში და ა.შ. ისისნი პოპულარობით სარგებლობენ მისი სიმარტივის, ინტუიტიურობის და მოსახერხებულობის გამო.         მათემატიკურად ბეზიეს წირი არის ფუნქცია რომელსაც გადაეცემა ერთი პარამეტრი t(0-დან 1-მდე) და ის გვიბრუნებს წერტილს წირზე. ფუნქციის მნიშვნელობა დამოკიდებულია შემავალ t პარამეტრზე და n ცალ წერტილზე, რომლიდანაც პირველ და ბოლო წერტილს ვუწოდებთ კვანძებს(knots), ხოლო დანარჩენებს საკონტროლო წერტილებს(Control points). როდესაც t=0 ფუნქცია გვიბრუნებს პირველ კვანძს, როდესაც t=1 ფუნქცია გვიბრუნებს მეორე კვანძს, დანარჩენ მნიშვნელობებზე ფუნქცია გვიბრუნებს წირის სხვა წერტილებს. გამოდის რომ წირი იწყება პირველი კვანძში დამოკიდებულია საკონტროლო წერტილებზე,თუმცა არ გადის მათზე და სრულდება მეორე კვანძში. მათემატიკურად ნებისმიერ ბეზიეს წირს შეესაბამება პოლინომი რომლის ხარისხიც არის მოცემული წერტილების რაოდენობ...