იზოტროპული და ანიზოტროპული მიპმეპები

MIPMaps

სურათზე ნაჩვენებია მიპმეპი, რომელზეც გამოსახულია ორიგინალი გამოსახულება და მისი დაპატარავებით მიღებული გამოსახულებები. სურათის ზომა გაზრდილია 50%ით, თუმცა ბოლომდე არ ვიყენებთ მას.

        თანამედროვე კომპიუტერული თამაშები ზომაში რამოდენიმე ათეულ გიგაბაიტსაც კი აღწევენ, რაც ძირითადად განპირობებულია თამასში არსებული დიდი რაოდენობის მაღალი ხარისხის ტექსტურების არსებობით, რაც მეტ რეალიზმს მატებს გარემოს. ამავდროულად ყველას გვინახავს თამაშში ისეთი სცენები სადაც კონკრეტულ რაკურსში ძალიან ფართო ხედი იშლება(მაგალითად ქალაქის ხედი ზემოდან), რომლის დახატვის დროსაც საჭიროა დიდი რაოდენობის ტექსტურის დარენდერება ეკრანზე. დარენდერების პროცესის სირთულე დამოკიდებულია ტექსტურების ზომებზე და რაოდენობაზე. აქედან მარტივი მისახვედრია რომ ერთი კადრის დარენდერებისთვის დიდი ზომის გიგაბაიტობით ტესქტურის ანალიზი შეუძლებელია. ასევე როდესაც ტექსტურის დიდი ფრაგმენტის გამოტანა ხდება ეკრანზე პატარა მონაკვეთში(კამერიდან შორს არსებულ ობიექტებში ხშირად სულ რამოდენიმე პიქსელში იხატება) თავს იჩენს ალიასინგის ხარვეზები.
        კომპიუტერულ გრაფიკაში ტექსტურაზე ალიასინგის ხარვეზების თავიდან ასაცილებლად და სხვადასხვა ფილტრაციების გასამარტივებლად შეიქმნა ეგრედწოდებული MIPMap-ები(MIP აბრევიატურა მოდის ლათინური ფრაზიდან "multum in parvo", რაც ითარგმნება როგორც ბევრი პატარაში). თვითონ მიპმეპი წარმოადგენს ტექსტურას რომელიც ინახავს ორიგინას ტექსტურას პირველადი სახით და ასევე მის დაპატარავებულ ვარიანტებს იერარქიულად. მაგალითად თუ მოცემული გვაქვს ტექსტურა 256x256 ზომის, მაშინ მისი მიპმეპი შეიცავს შემდეგი ზომის ტექსტურებს: 256x256, 128x128, 64x64, 32x32, 16x16, 8x8, 4x4, 2x2, 1x1(იხილეთ პირველი სურათი).

სურათზე ნაჩვენებია განსხვავება მიპმეპით და მის გარეშე დარენდერებულ ტექსტურებს შორის.

        სცენის ხატვის პროცესში თითოეული პოლიგონისათვის ხდება განსაზღვრა თუ რომელი ზომის ტექსტურა უნდა დავხატოთ შესაბამისი ტექსტურიდან. ამის განსაზღვრა ხება იმის მიხედვით თუ რამდენ პიქსელში დარენდერდება მოცემული პოლიგონი. ეს მეთოდი კარგად მუშაობს როდესაც პოლიგონს რომელზეც გადაკრულია ტექსტურა ვუტურებ წინიდან, თუმცა კუთხე რაც უფრო ცერი ხდება თავს იჩენს ახალი არტიფაქტები, რაც გამოწვეულია იმით რომ მიპმეპი შეიცავს 2 განზომილების მიმართ თანაბრად დაპატარავებულ გამოსახულებებს. არსებობს სტანდარტული მიპმეპის მოდიფიცირებული ვარიანტი რომელიც საწყისი გამოსახულების დაპატარავებას ახდენს არა მხოლოდ თანაბრად x, y-ის გასწვრივ არამედ ცალკე ინახავენ ჰორიზონტალურად და ვერტიკალურად დაპატარავებულ სურათებსაც. ამ მეთოდს ეძახიან ანიზოტროპულ ფილტრაციას(anisotropic filtering)

ანიზოტროპული მიპმეპი. სურათის ზომა გაზრდილია 300%ით.

        ანიზოტროპული მიპმეპის შემთხვევაში მიპმეპის დონის გარდა ხდება ასევე იმის განსაძღვრა თუ რომელ მხარეს დაპატარავებული გამოსახულება გვჭირდება რაც საბოლოოდ ბევრად უკეთეს შედეგს გვაძლევს.