ალიასინგი და მეთოდები მის თავიდან ასაცილებლად

Aliasing and methods for anti aliasing

რენდერი ალიასინგის ხარვეზებით და მის გარეშე. წყარო

        რენდერში ალიასინგის ხარვეზები შესაძლებელია გამოწვეული იყოს 2 ძირითადი ფაქტორით:

1. თუ რენდერერი არ ახდენს ინტეგრირებას პიქსელის შიგნით და აგენერირებს სხივებს მხოლოდ პიქსელის რაიმე შიდა ფიქსირებულ კოორდინატზე. 
2. თუ სურათზე გვაქვს მაღალი ინტენსივობის მქონე რაღაცეები(ეს შეიძლება იყოს ანარეკლები, მანათობელი ობიექტები, ...) რომლებიც ნაწილობრიც ფარავენ პიქსელს.

თუკი სხივების მიდევნების პროცესში კამერიდან მიმავალი სხივების გენერაცია მოხდება პიქსელის ერთი და იმავე ფიქსირებული წერტილისათვის მაშინ რამდენი შერჩევის აკუმულირებაც არ უნდა მოვახდინოთ რესულტატი ყოველთვის ერთი იქნება, თუმცა როდესაც მრავალ შერჩევას ვახდენთ პიქსელში პირველი პრობლემა ნაკლებად გვხვდება რენდერერებში, რადგან როგორც წესი ყოველი მათგანი ახგენს ინტეგრირებას პიქსელის შეგნით. (იხილეთ ქვემოთ მოცემული სურათი)

პიქსელის შერჩევის მაგალითები: რეგულარული ბადე(მარცხენა) და დაძრული შერჩევები მარჯვენა. წყარო

რაც შეეხება მეორე პრობლემას მისი კორექტულად გადაჭრის გზები არ არსებობს. არტისტები ხშირად ახდენენ მნიშვნელობების მოჭრას, მაგალიათად თუკი სურათში ინტენსივობის მნიშვნელობებს შევზღუდავთ რაიმე მაქსიმუმზე ეს შეიძლება მეტნაკლებად შეუმჩნეველი დარჩეს ინტენსივობის იმ მიდამოში რომელსაც ჩვენ ვაკვირდებით და გააქროს ალიასინგის ხარვეზები, თუმცა როგორც ყველა მიკერძოებულ მეთოდს მნიშვნელობების მოჭრასაც თავისი პრობლემები გააჩნია. აგრესიული მნიშვნელობების მოჭრისას შესაძლოა ასევე დაიკარგოს მნიშვნელოვანი დეტალები განათებისა და ასევე რთულია მოჭრის ბარიერის სწორად შერჩევა რადგან სცენაზე მკვეთრად დამოკიდებული პარამეტრია. რეალურ კამერაში როდესაც გვხვდება მსგავსი შემთხვევა, როდესაც სენსორის მატრიცაზე მეზობელ პისელებში მოდის მკვეთრად განსხვავებული ინტენსივობის შუქი გვხვდება კამერის გვერდითი ეფექტები, (bloom, glare) რომლებიც ფარავენ ამ ხარვეზებს, არტისტები ასევე იყენებენ ამ დამატებით ეფექტებს ამ ხარვეზების დასაფარად.
        გარდა იმისა რომ პიქსელის შიდა გამოსახულებაში არსებული მკვეთრად განსხვავებული ინტენსივობები შესაძლოა ალიასინგის გამომწვევი იყოს ის ასევე ზრდის ხმაურს პიქსელში რადგან პიქსელის თანაბარი შერჩევა შესაძლოა ძანიან არაეფექტური იყოს.