ხშირად იმისათვის, რომ RGB მოდელში არსებული ფერების აღქმა უფრო კარგად შევძლოთ მათი წარმოდგენა ხდება ფერების კუბის სახით. როგორც ვიცით RGB მოდელში ფერი წარმოდგება 3 ელემენტიანი ვექტორის სახით, რომლის ელემენტებიც წარმოადგენენ ფერის 3 ძირითად კომპონენტს. ასე რომ RGB მოდელში არსებული ყველა ფერი გვაძლევს ასეთი 3 ელემენტიანი ვექტორების სიმრავლეს, რომელსაც შეგვიძლია 3 განზომილებიან სივრცეში შევუსაბამოთ წერტილები შესაბამისად. იხილეთ ქვემოთ მოცემული სურათი.
მოცემული სურათი წარმოადგენს გეგმილს სივრცეში მოცემული ფერებისა მთავარი დიაგონალის გასწვრივ. თუ დავაკვირდებით ადვილად შევამჩნევთ, რომ ამ სურათზეწრიულად არის განლაგაბული ფერების სპექტრი, 3 ძირითადი(წითელი, ლურჯი, მწვანე) ფერი და 3 შუალედური(მეწამული, ცისფერი, ყვითელი) ფერი განლაგებულია კუბის კუთხეებში. ასევე ადვილი შესამჩნევია, რომ კუბის მთავარ დიაგონალზე განლაგებულია მხოლოდ მიუკერძიებელი, ნაცრისფერი ფერები, შავიდან თეთრამდე. შესაბამისად ის ფერები რომლებიც შორს არიან ამ დიაგონალიდან მეტი სიმკვეთრით გამოირჩევიან. ქვემოთ მოცემულ სურათზე ნაჩვენებია სქემატურად.
შესაბამისად დადებითი კუთხე x ღერძთან მიმართებაში ცალსახად განსაზღვრავს ფერს ფერების სპექტრში(Hue) ხოლო ცენტრიდან მანძილი მის სიმკვეთრეს(Saturation). მარტივი ტრანსფორმაციით ასეთი 6კუთხედი შეგვიძლია დავიყვანოთ წრეზე:
ამ პრინციპს იზიარებს RGB მოდელში ფერების წარმოდგენის 2 მეთოდი HSL და HSV.
- HSL - Hue, Satiration, Lightness(განათებულობა).
- HSV - Hue, Satiration, Value(მნიშვნელობა).
ორივე მეთოდს ფერების კუბი დეფორმაციის გზით მიყავს ფილინდრამდე, რომელშიც ნებისმიერ ფერს ახასიათებს განსხვავებული სამი პარამეტრით: კუთხე, ცენტრიდან მანძილი, სიმაღლე. მეტი სიცხადისათვის იხილეთ ქვემოთ მოცემული სურათი:
ასეთი წარმოდგენა ხშირად გამოიყენება სხვადასხვა პროგრამებში ფერების ასარჩევ დიალოგევში. ასევე დიდი გამოყენება აქვს გამოსახულების დამუშავებისას და ანალიზის მეთოდებში.
ეს, და აგრეთვე, "ფერების RGB მოდელი" უნდა წაიკითხოს ყველამ, ვინც გრაფიკაში მუშაობს.
ReplyDelete