მართკუთხა განათების შერჩევა

Sampling Rectangular Lights

        განათების შერჩევა რენდერის პროცესში ძალიან მნიშვნელოვანი საკითხია. მისი ეფექტურობა რენდერის საერთო ეფექტურობაზე მკვეთრად აისახება. რენდერერებში როგორც წესი არის საშუალება რომ ზედაპირს, რომელიც მოცემულია სამკუთხა მეშით დავადოთ განათების მატერიალი, შესაბამისად შეგვიძლია შევქმნათ ნებისმიერი ფორმის განათება. თუმცა გარდა ამისა ბევრ რენდერერში არსებობს ასევე დამატებითი ზედაპირული განათებები: სფერული, ცილინდრული, დისკური, ... ამის მიზეზს წარმოადგენს ის, რომ თუ რენდერერს ეცოდინება მანათობელი ზედაპირის ფორმა ის უფრო ეფექტურად მოახდენს განათების შერჩევას.

        ერთერთ მნიშვნელოვან განათების ტიპს წარმოადდდგენს მართკუთხა განათება, რომელიც ერთერთი ყველაზე გამოყენებადია სტუდიური განათებისას, შესაბამისად მისი ეფექტური შერჩევა რენდერერს დაეხმარება ხმაურის შემცირებაში. კომპანია solidangle-მა წარმოადგინა მართკუთხა განათებების ეფექტურად შერჩევის მეთოდი, რომელიც ახდენს მისი შესაბამისი სფერული მართკუთხედის დათვლას და შემდგომ მის პარამეტრიზაციას ისე, რომ შესაძლებელი იყოს მისი თანაბარი შერჩევა.

მარცხენა-ზედაპირის შერჩევა, მარჯვენა-სფერული ოთკუთხედის შერჩევა

        ზემოთ მოცემულ სურათზე ნათლად ჩანს, რომ განათების ზედაპირის შერჩევა ძალიან არაეფექტურია სცენის იმ წერტილებისათვის რომლებიც ახლოს არიან მასთან. ამის მიზეზი არის ის, რომ ზედაპორზე თანაბრად შერჩეული წერტილები არათანაბრად ნაწილდება კუთხეში (სფერულ ოთკუთხედში), რომელსაც განათება ამ წერტილთან ადგენს(იხილეთ პირველი სურათი). სფერული ოთკუთხედის თანაბარი შერჩევა ბევრად სუფთა გამოსახულებას გვაძლევს.

        თუკი მრავალი მნიშვნელოვნობის მეთოდით მოვახდენთ BRDF-ის შერჩევით და განათების შერჩევით მიღებული შედეგების გაერთიანებას მივიღებთ ბევრად უკეთესს შედეგს, თუმცა რა თქმა უნდა განათების უფრო ეფექტური შერჩევა საბოლოო რეზულტატს კიდევ უფრო აუმჯობესებს, რაც კარგად ჩანს ზემოთ მოცემულ სურათზე.

დამატებითი ინფორმაცის თავად მეთოდე და იმპლემენტაციის დეტალებზე შეგიძლიათ ნახოთ სტატიაში. "An Area-Preserving Parametrization for Spherical Rectangles".