ნორმალების მეპი

Normal Map

მარცხენა - საწყისი გეომეტრიული მოდელი 2 (მილიონი სამკუთხედი),
შუა - გამარტივებული მოდელი (500 სამკუთხედი)
მარცხენა - გამარტივებული მოდელი (500 სამკუთხედი + ნორმალების მეპი)
სურათის აღებულია ვიკიპედიიდან.

        იმისათვის, რომ გამოსახულება ვიზუალურად ბევრად რეალისტური გავხადოთ შეგვიძლია ზედაპირის სხვადასხვა წერტილებისათვის მოვახდინოთ სხვადასვა ვიზუალიზაციის ნორმალების განსაზღვრა. თუკი ჩვენ ზედაპირის მიკროგეომეტრიულ მიმართულებებს შევინახავთ ტექსტურაში(ვექტორის x,y,z კომპონენტებს RGB ფერის სახით) ადვილად შევძლებთ მათ დაკავშირებას ზედაპირის წერტილებთან. ტექსურას რომელიც ინახავს მიკროგეომეტრიულ მიმართულებებს ეწოდება ნორმალების მეპი.
        მაქსიმალურად მაღალი ხარისხის მისაღებად საჭიროა საბაზისო გეომეტრიის განსაზღვრა და მასზე ნორმალების მეპის დატანა. ამოზნექილობის მეპისაგან განსხვავებით ის არ ცვლის რეალურ ზედაპირს რასაც თავისი დადებითი და უარყოფითი თვისებები აქვს. ნორმალების მეპს ამოზნექილობის მეპთან შედარებით ბევრად ნაკლები გამოთვლითი რესურსი ჭირდება, მისი ცვლილება და რენდერი შესაძლებელია რეალურ დროში, რის გამოც ამ ტექნიკას თამაშებში ფართოდ იყენებენ.

მონეტის მაღალი რეზოლუციის ნორმალების მეპი.

       ნორმალების მეპი შესაძლოა მოცემული იყოს, როგორც ზედაპირის მხები სივრცის მიმართ, ასევე ობიექტის კოორდინატთა სისტემაში. მხებ სივრცეში მოცემული ნორმალების მეპები გამოირჩევიან თავიანთი ლურჯი შეფერილობით, რაც განპირობებულია იმით, რომ მხები სივრცის z ვექტორი(რომელსაც ტექსტურაში შეესაბამება ლურჯი კომპონენტი) ემთხვევა ზედაპირის ნორმალს და რადგანაც მიკრონორმალების საშუალო მიმართულება მაინც ახლოსაა ზედაპირის ნორმალთან შედეგად მიიღება მოლურჯო ტექსტურა.