შერჩევა მნიშვნელოვნობის გადარჩევით

Resamped Importance Sampling

სურათზე ნაჩვენებია დავითის მოდელი გარემოს განათებაში.
1 - შენჩევა BRDF-ით,
2 - მრავალი მნიშვნელოვნობით შერჩევა (MIS).
3 - შერჩევა მნიშვნელოვნობის გადარჩევით (RIS).

        მეთოდი გვეხმარება პირდაპირი განათების დათვლის პროცესში მოვახდინოთ მნიშვნელოვნობით შერჩევა გადარჩევის გზით.
        მეთოდის არსი მდგომარეობს შემდეგში: მაგალითად გვაქვს გეომეტრიული მოდელი რაიმე მატერიალით მოთავსებული გარემოს განათებაში(იხილეთ ზემოთ მოცემული სურათი). ჩვენ შეგვიძლია გარემოს განათებაზე მოვახდინოთ n შერჩევა, შემდეგ ამ n შერჩევისთვის დავითვალოთ განათება ხილვადობის ტესტის გარეშე, რაც თავისმხრივ ყველაზე რთული და მძიმე ნაწილია პირდაპირი განათების დათვლის მომენტში. ამის შემდეგ ამ n დათვლილი განათებიდან მოვახდინოთ m განათების ამორჩევა განათების ინტენსიობების პროპორციული ალბათობებით და ბოლო ეტაპზე მოვახდინოთ m შერჩეული განათებისათვის ხილვადობის შემოწმება. ამ გზით ჩვენ მეტი ყურადღება გადაგვაქვს მაღალი ინტენსივობის მქონე განათების ნაწილზე, რაც იწვევს იმას, რომ როდესაც დიდი ინტენსივობის განათებები ჩვენი ინტერესის წერტილიდან არ ჩანს მეთოდი კარგავს ეფექტურობას. თუმცა ბევრ შემთხვევაში მეთოდი ძალიან ეფექტურია. განსაკუთრებით, მაშინ როდესაც სცენაში გვაქვს დიდი რაოდენობის სხვადასხვა ტიპის, სიმძლავრის განათებები. შერჩევის ეს მეთოდი თავისმხრივ არის მიუკერძოებელი, რაც მის დიდ პლიუსს წარმოადგენს.

        როგორც ვთქვით როდესაც ჩვენს მიერ გადარჩეული განათებების დიდი ნაწილი არ ჩანს მეთოდი კარგავს ეფექტურობას, უფრო მეტიც არასწორი მნიშვნელოვნებით შერჩევა იწვევს ხმაურის გაზრდას გამოსახულებაში. ასეთ შემთხვევაში უნდა მოხდეს ევრისტიკული შემფასებლის გამოყენება, რომლის საფუძველზეც მივიღებთ გადაწყვეტილებას თუ რომელი მეთოდი გამოვიყენოთ.